Гадаад харилцааны сайд Б.Батцэцэг энэ сарын 25-ны өдөр Япон Улсаас Монгол Улсад суугаа Онц бөгөөд Бүрэн эрхт Элчин сайд М.Игавахараг хүлээн авч уулзав. Уулзалтын үеэр сайд Б.Батцэцэг өнгөрөгч албан ёсны айлчлалын үеэр Япон Улсын Гадаад хэргийн яамны Хүндэт зочны хувиар зочилсон нь агуулга, үр дүн сайтай хэрэгжсэн хэмээн онцолж, энэ ажлыг хамтран зохион байгуулсан Элчин сайдад талархал илэрхийллээ.
Элчин сайд М.Игавахара мөн айлчлалын хүрээнд хэрэгжүүлсэн үйл ажиллагааг үнэлж, цаашид хоёр улсын дээд, өндөр түвшний улс төрийн яриа хэлэлцээг улам эрчимжүүлэхийн зэрэгцээ эдийн засаг, хөрөнгө оруулалтын төсөл хөтөлбөрүүдийг урагшлуулах, боловсрол, соёл, олон нийт, орон нутаг хоорондын хамтын ажиллагааг гүнзгийрүүлэхэд идэвхтэй ажиллахаа илэрхийлсэн байна.
Уулзалт найрсаг, урагштай уур амьсгалд болж өнгөрсөн тухай Гадаад харилцааны яам мэдээлжээ.
Эх сурвалж: Гадаад харилцааны яам
