Улаанбаатар хотыг хөгжүүлэх 24 мега төслийн нэг хэсэг болох тусгай замын автобус буюу BRT төслийг Ард Аюушийн өргөн чөлөөнөөс Их хүрээний гудамж хүртэлх 12.7 км урт коридорын дагуу хэрэгжүүлэхээр төлөвлөжээ. Энэ нь нийтийн тээврийн шинэ төрөл бөгөөд их багтаамжтайгаар зорчигч тээвэрлэх зорилготой юм.
Төслийн хүрээнд:
-
Өдөрт 25-35 мянган зорчигч тээвэрлэх хүчин чадалтай
-
17 буудалтай
-
Зорчих дундаж хугацаа 15-20 минут
-
Дундаж хурд 20-25 км/цаг
-
Замын хөдөлгөөний дундаж хурдыг 12.6 хувиар нэмэгдүүлэх тооцоо гарчээ
Одоогийн байдлаар төслийн урьдчилсан зураг төслийг боловсруулж байгаа бөгөөд Азийн хөгжлийн банкны санхүүжилт авах боломжийг судалж буй юм. Судалгааны дараа:
-
ТЭЗҮ болон нарийвчилсан зураг төсөл боловсруулж
-
Барилгын ажлын гүйцэтгэгчийг сонгон шалгаруулах
-
Эдгээр бэлтгэл ажлыг 2025 онд багтаан дуусгаж
-
2026 оны 3-р сард барилгын ажлыг эхлүүлж, 2030 он хүртэл хэрэгжүүлэхээр зорьж байна
Нийслэлийн Засаг даргын Тамгын газрын Хэвлэл мэдээлэл, олон нийттэй харилцах хэлтсээс энэ талаар мэдээллээ.
Эх сурвалж: НЗДТГ-ын ХМОНХХ.
