УИХ-ын ээлжит бус чуулганы өчигдөрийн нэгдсэн хуралдаан Монгол Улсын Үндсэн хуульд оруулах өөрчлөлтийн төслийг хэлэлцэн батлав. Ийн Үндсэн хууль дахь давхар дээлтэй холбоотой заалтыг хүчингүй болгосноор Засгийн газрын бүтэц, бүрэлдэхүүнийг өөрчлөх болов.

Тодруулбал, УИХ-ын чуулганы хуралдаанаар цэцийн тогтоолтой холбогдуулан Монгол Улсын Үндсэн хуулийн Гучин есдүгээр зүйлийн 1 дэх хэсгийн “... Ерөнхий сайд болон Засгийн газрын дөрвөөс илүүгүй гишүүн Улсын Их Хурлын гишүүний албан тушаалыг хавсарч болно...” гэдэг заалтыг хүчингүй болгосон юм. 

Засгийн газрын бүтэц, бүрэлдэхүүнд өөрчлөлт оруулахтай холбоотой хуулийн төслийг өнөөдөр УИХ-д өргөн барихад бэлэн болжээ. 

Харин Үндсэн хуулийн өөрчлөлтийг хэлэлцэхийн өмнө Ерөнхийлөгч ёсчлох учиртай.