Боловсролын сайд П.Наранбаяр өнөөдөр хоёр асуудлаар мэдээлэл хийсний нэг нь сурах бичгийн шинэчлэл байлаа.

Тэрбээр Боловсролын яам болон Боловсролын судалгааны үндэсний хүрээлэн 1, 2 дугаар ангийн хичээлийн ерөнхий хөтөлбөрийг боловсруулж, сурах бичгийн тохирцыг тааруулж байгааг онцлов.

Бага ангийн шинэ хөтөлбөр

• Есөн төрлийн хичээлтэй болно.
• Хоёрдугаар ангиас унших бичиг нэмэгдэнэ.
• Гуравдугаар ангиас англи хэлний хичээл орно.
• Компьютерын ухаан гэх шинэ хичээл нэмэгдэнэ.

Сургалтын хөтөлбөрийн шинэчлэл

• Бага ангийн хичээлийн төрлийг цөөлсөн шиг дунд, ахлах ангид ч мөн цөөлөх чиглэл баримталж байна.
• Дэлхийн дундажтай харьцуулахад манай улсын хичээлийн төрөл өндөр биш тул хими, физик, биологи, математик зэрэг үндсэн хичээлүүд зайлшгүй орно.
• 6-9, 10-12 дугаар ангийн сургалтын хөтөлбөр, сурах бичгийг шинэчлэх суурь судалгааны ажил энэ жилээс эхэлнэ.

Сурах бичгийн агуулга, зураглалын өөрчлөлт

• Нэгдүгээр ангийн сурах бичгийн 70 орчим хувь нь зураг байх бөгөөд мэргэжлийн зураачдаар зургаа зуруулж, зохиогчийн эрхтэй, үндэсний хэв шинжтэй зураг ашиглана.
• Хүүхдийг мэдээллээр дарахаас илүү ажиглах, сурах арга барилд анхаарна.
• Минутанд олон үг уншихаас илүү ойлгож унших чадварыг хөгжүүлэхэд чиглэнэ.

Эх сурвалж: Боловсрол, шинжлэх ухааны яам