Хааг хотод байрлах Олон улсын эрүүгийн шүүхээс (ОУЭШ) Унгар улсыг гаргах шийдвэрийг тус улсын парламент баталсан талаар Унгарын Гадаад хэргийн сайд Петер Сийярто мягмар гарагт олон нийтийн X сүлжээнд мэдээллээ. Тэрбээр “Бид улс төрийн нөлөөнд автсан, төвийг сахисан байр сууриа алдсан байгууллагын гишүүнчлэлээс татгалзаж байна” хэмээн онцолжээ.
Унгар ийнхүү ОУЭШ-ээс гарах шийдвэрээ Израилын Ерөнхий сайд Биньямин Нетаньяху тус улсад албан ёсны айлчлал хийх үеэр зарласан байна. Сануулахад, ОУЭШ 2023 оны арваннэгдүгээр сард Нетаньяхуг баривчлах зөвшөөрөл гаргасан бөгөөд энэ нь тус байгууллагын улс төрийн нөлөөлөлд автаж буйг харуулж байна гэж Унгарын Ерөнхий сайд Виктор Орбан мэдэгджээ.
Тэрбээр ОУЭШ-ийг “улс төржсөн байгууллага болсон” хэмээн тодорхойлж, Израилийн эсрэг гаргасан шийдвэрүүдийг үүний нотолгоо гэж үзэж байгаагаа илэрхийлсэн байна.
Шинжээчдийн үзэж буйгаар, Унгарыг ОУЭШ-ээс бүрэн гаргах үйл явц нэг жил орчмын хугацаанд үргэлжилж магадгүй юм.
Эх сурвалж: DW
