Прокурорын байгууллага "хар баасан гариг"-аа дахин давтав. Нүүрсний хэрэгт шалгагдаж байгаа УИХ-ын гишүүн Т.Аюурсайхан, Д.Бат-Эрдэнэ, Н.Наранбаатар нарын бүрэн эрхийг түдгэлзүүлэх хүсэлтээ УЕП өнөөдөр ажлын цаг дуусахаас өмнө амжиж УИХ-ын даргад хүргүүлжээ. Гурван гишүүний бүрэн эрхийг түдгэлзүүлэх саналаа АТГ өнгөрөгч лхагва гаригт УЕП-т хүргүүлээд байсан юм. Хуулийн дагуу УИХ уг асуудлыг ажлын тав хоногийн дотор буюу ирэх долоо хоногийн баасан гаригт багтаан хэлэлцэж, шийдвэрээ гаргах ёстой.