x

MОНГОЛ нэршлийн ташаа хэрэглээг залруулахыг НҮБ-ын гишүүн орнуудад уриалав

3-р сарын 21-нийг “Дэлхийн Дауны Өдөр” мөн “Арьс Өнгөөр Ялгаварлан Гадуурхахыг Таслан Зогсоох” өдөр хэмээн дэлхий нийтээр жил бүр тэмдэглэдэг. Үүнтэй холбогдуулан 3-р сарын 20-ны Даваа гаригт Mонгол нэршлийн ташаа хэрэглээг засаж залруулах, Mонгол угсаатан, хэл, соёлтой холбон зохистой хэрэглэж хэвшихийг Нэгдсэн Үндэстний Байгууллагын гишүүн улсуудад уриалсан тусгай үйл ажиллагаа Швейцар Улсын Женев хотод байрлах НҮБ-ын Европын төв ордонд боллоо. Энэхvv vйл ажиллагааг НҮБ-ын Хvний Эрхийн Дээд Комиссарын Газар, Монгол Улсаас Женев хот дахь НҮБ болон олон улсын байгууллагуудын дэргэд суугаа Байнгын Төлөөлөгчийн Газар, Монгол Улсаас Швейцарын Холбооны Улсад суугаа Элчин Сайдын Яам, “Монгол Тодотгол” ТББ, “Монголын Дауны Холбоо” ТББ, “Олон Улсын Энхийг Сахиулах” ТББ, “Монгол-Канадын Нийгэмлэг” хамтран зохион байгууллаа.

Арга хэмжээг нээж Монгол Улсаас НҮБ-ын Женев дэх төв болон олон улсын бусад байгууллагын дэргэд суугаа Байнгын төлөөлөгч Д.Гэрэлмаа, НҮБ-ын Женев дэх тѳвийн Соёлын үйл ажиллагааны хорооны дарга, номын сангийн захирал ноён Франческо Писано нар нээж vг хэлж, хvний эрхийн асуудлын чухал сэдвээр ярилцаж буйг сайшаан дэмжиж, олон улсын хэмжээнд дорвитой алхмууд хийгдэх шаардлагатай байгааг тэмдэглэв. Түүнчлэн TRIO киногоор уламжлан Mонгол соёл, зан заншил, уламжлалыг энгийн хvний амьдралаар тэр тусмаа хөгжлийн бэрхшээлийн иргэдийн гэр бvл, нийгэмд тохиолддог асуудлыг дэвшүүлэн гаргаж буйг онцлов.

Нээлтийн үгийн дараа “Бие биенээ үл ялгаварлан гадуурхах, хүртээмжтэй нийгмийн цогцлоох, бүгдэд тэгш боломжийг олгох, Монгол гэдэг нэрийг даунтай холбож сөрөг утгаар ярьж, бичдэг хэрэглээтэй тэмцэх” хэлэлцүүлэг хийлээ. Энэхүү хэлэлцүүлгийг Монголын Дауны Холбооны тэргүүн В.Ганзориг удирдсан бөгөөд хэлэлцүүлгийн зочдоор Хvний Эрхийн Дээд Комиссарын Газрын хөгжлийн бэрхшээл ба хүний эрх хариуцсан мэргэжилтэн Juan Jaime Pardo, "Дэлхийн Дауны Холбоо"-ны хөтөлбөр хариуцсан захирал Nathan Rowe, "Монгол Тодотгол" байгууллагын Захирал П.Ууганбаяр, ТРИО кинонд тоглосон Т.Тэлмүүн хүү ба ээж Д.Чимгээ, "Монгол Тодотгол" байгууллагын Боловсрол хариуцсан захирал, "Монгол-Канадын Нийгэмлэг"-ийн Захирал Б.Золзаяа нар оролцлоо. 

 

Энэхүү чухал хэлэлцүүлгээр Монгол Улсын төлөөлөл дуу хоолойгоо олон улсад хүргэж, арьс өнгөөр ялгаварлан гадуурхагдах болон ялгаатай хөгжилтэй иргэдэд тулгарч буй нэн чухал асуудлуудыг голчлон ярилцан санал бодлоо солилцов. Б.Золзаяа францаар ярьдаг орнуудад монгол хэмээх vгийг доромж утгаар хэрэглэсээр байгаа жишээ баримтуудыг дурьдаж боловсролын салбарт дорвитой ажлуудыг хийх хэрэгтэй гэж хэллээ. П.Ууганбаяр олон улсын Дауны Холбоодыг хамтран ажиллаж 'монгол' нэр томъёог эмнэлгийн болон нийгмийн ажилчдад зохистой хэрэглээг нь зааж сурталчилж байх санал оруулав.

“Олон сар, жил үргэлжилсэн киноны зураг авалтын дараа өнөөдөр ингээд НҮБ-ын индэр дээр хүүтэйгээ та бүхний өмнө сууж байна гэж тэр үед огт төсөөлөөгүй. ТРИО кино өнөөдрийн байдлаар дэлхийн 4 тивийн 8 улсын кино наадмаас шилдэг киноны шагналуудыг хүртээд байна. Энэ кинод манай гэр бүл хамтран ажиллаж, хүү минь гол дүрд тоглосон нэг гол зорилго бол эх орны минь эрхэм нэр болох Монгол гэдэг үгийг даун синдромтой холбон ашиглах, тэнэг эсвэл мулгуу гээд доромж, сөрөг утгаар албан бусаар дэлхийн даяар хэрэглээг эцэслэх, багасах юм. Энэ чухал үйлд гэр бүлээрээ оролцож, бяцхан ч гэсэн өөрсдийн зүгээс хувь нэмрээ оруулж буйдаа баяртай байна” гэж киноны гол дүрд тоглосон даунтай хүү Т.Тэлмүүний ээж Д.Чимгээ онцолж хэлэв. 

П.Ууганбаяр хурлын эцэст Нэгдсэн Үндэстний Байгууллагын гишүүн улсуудад монгол нэрийг ташаа хэрэглэж буй хэрэглээнд анхаарал тавьж анагаах, нийгэм судлалын сурах бичигт болон бvх төрлийн эх сурвалжийг хянан залруулж зөвхөн монгол угсаатан, хэл, соёлыг тодорхойлсон тохиолдолд хэрэглэж, хэвшихийг уриалав.

Хэлэлцүүлгийн төгсгөлд “ХЭНИЙГ Ч АРДАА БҮҮ ҮЛДЭЭ” концепц дор бүтээгдсэн ТРИО уран сайхны киног НҮБ-ын танхимд толилуулав. Энэхүү уран бүтээлд дауны хам шинжтэй хүүхэд анх удаа кинонд тоглосноороо Монголын урлагийн түүхэнд онцгой болсон юм. Хүний эрхийг хамгаалах, хүртээмжтэй нийгмийг цогцлоох, ялгаатай хөгжилтэй хүүхэд, иргэдийг ялгаварлан гадуурхахгүй байх, тэдэнд тэгш боломж олгох, бусадтай яг адилхан хөгжих эрхийг нь баталгаажуулах, Монголын нүүдлийн өв уламжлал, ёс заншил, өвөрмөц соёыг дэлхийд танилцуулах, аялал жуулчлалын салбарыг олон улсад сурталчлах, үзэсгэлэнт байгалиа дэлхийд мэдрүүлэх, НҮБ-ын тогтвортой хөгжлийн зорилтуудыг батжуулах, МОНГОЛ гэдэг нэрийг дэлхийн тавцанд хүндтэй бөгөөд эрхэм болгох нь кино төслийн туйлын зорилго юм.

В.Ганзориг /baabar.mn/

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iШинэ мэдээ
"Төрийн байгууллагууд тендерт шалгарсан мэдээллийн хэрэгслээр сурталчилгаа дамжуулна" 1 цаг 6 мин Хөгжлийн банкыг Экспорт, импортын чиглэлтэй болгон шинэчлэх хуулийн төсөл боловсруулагдаж байна 3 цаг 10 мин “Power Expo & Festival” автомашин, мотоциклийн наадам ирэх сард Улаанбаатарт болно 3 цаг 11 мин "Аспак-2025" чуулга уулзалтыг Улаанбаатар хотноо зохион байгуулна 3 цаг 12 мин Гашуунсухайт-Ганцмодын хил дамнасан төмөр замын бүтээн байгуулалт тавдугаар сард эхэлнэ 3 цаг 13 мин Ноолуур бэлтгэлийн санхүүжилтэд вексель гаргаж, малчдын орлогыг дэмжинэ 3 цаг 14 мин Засгийн газраас нийслэлийн дөрвөн байгууллагыг татан буулгах шийдвэр гаргалаа 3 цаг 15 мин Засгийн газар улаанбурханы дэгдэлтийн эсрэг яаралтай арга хэмжээ авахыг үүрэг болголоо 3 цаг 16 мин Азийн цаг уурын байгууллагуудын төлөөлөгчид цахим чуулганд оролцож байна 3 цаг 17 мин Винисиус ФИФА-гийн ёс зүйн дүрмийг зөрчсөн хэргээр хоёр жил тоглох эрхгүй болох эрсдэл үүсжээ 3 цаг 18 мин Хомын талд энэ жилийн анхны унага “Эх дэлхийн өдөр”-өөр мэндэлжээ 3 цаг 18 мин Туркийн эрх баригчид Курдийн Ажилчны Намыг тараах шийдвэр гаргахаар төлөвлөж байна 3 цаг 19 мин Ж.Энхбаяр: Оросоос гурил аваад дотоодын үйлдвэрлэлийнхээ 40 хувийг алдсан 5 цаг 37 мин О.Номинчимэг: ЕАЭЗХ-той байгуулах түр гэрээнээс тамхийг хасах ёстой 6 цаг 9 мин Н.Учрал: Авах ёстой хуулийн дагуу овоо, овоолгоо бүгдийг нь авна 6 цаг 29 мин Өнөөдөр нийслэлийн дөрвөн дүүрэг болон Төв аймагт цахилгаан хязгаарлана 9 цаг 10 мин “Хүйс толгойн бичиг”, “Хүний бүтэн биеийн бүртгэл бичвэр” ЮНЕСКО-гийн Дэлхийн дурсамжид бүртгэгдлээ 9 цаг 12 мин Урлагийн гавьяат зүтгэлтэн Балчинжавын Долгион таалал төгслөө 9 цаг 13 мин Гэр бүлийн гадуурх харилцаанд оролцсон гуравдагч этгээдийг шийтгэх тухай өргөдөл олон нийтийн анхаарал татаж байна 9 цаг 16 мин Өнгөрөөж болохгүй энэ хаврын дөрвөн олон ангит кино 9 цаг 18 мин
iИх уншсан
Ард түмэн “юмаа" мэддэггүй И.Энхболд: Солонгосын сонгуульд Ардчилсан нам нь ялбал арай ... Дэлхийн шинэ дэг Эмч хүн хийж байгаа ажлаараа пиар хийдэггүй, тийм зүйлд цага... Ж.Баярмаа: Төсвийн зарлагыг нөхөх зорилгоор татварын бодлогы... Монголын элгэнд суусан сэвийг хөндөх биш, сэндийчиж байна 2006 он: Эргэлтийн цэг ТАНАЙ BIRKIN ҮНЭН ХЭРЭГТЭЭ $200: Хятадад үйлдвэрлэсэн люкс б... Хүннү гүрний 2.2 метр өндөр эрийн араг ясыг адууны ястай нь ... Хүн төрөлхтөнтэй адил амьдрал бүхий гаригийн анхны нотолгоо ... Улсын арслан М.Лхагвын нэрэмжит 256 бөхийн барилдаан болно Швейцар цагны АНУ руу хийсэн экспорт татварын өмнөх нөөцлөлт... 3D зураач Б.Энхтөр Зэвсэгт хүчний хүндэт харуулыг хүүхэлдэйн... Фон дер Ляйен: Баруун гэх ойлголт оршин тогтнохоо больсон Хятад улс цөмийн материалгүй, устөрөгчөөр ажилладаг шинэ төр... Трамп: “Орос, Украин энэ долоо хоногт гэрээ байгуулна гэдэгт... Нэг настай хүүхдэд элэг шилжүүлэн суулгах мэс заслыг амжилтт... Оскар Пиастри Саудын Арабын Гран-Прид түрүүлж, Формула-1-ийн... Монгол, Оросын хамтын ажиллагааны хүрээнд төмөр замын инжене... Санхүүгийн зохицуулах хороонд ажиллаж, хэрэглээний зээлийн х...
Top