УИХ-ын ээлжит бус чуулганы нэгдсэн хуралдаан дөнгөж сая эхэллээ.
Хуралдаанаар Засгийн газрын бүрэлдэхүүн болон бүтцийн тухай хуульд өөрчлөлт оруулах тухай хуулийн төслийг хэлэлцэх эсэхийг хэлэлцэж байна.
Засгийн газар нь бүрэлдэхүүний хувьд Ерөнхий сайд болон 21 гишүүнтэй, бүтцийн хувьд ерөнхий чиг үүргийн дөрөв, чиглэлийн 12 яамтай байхаар хуулийн төсөлд тусгаад буй.
УИХ-ын дарга Г.Занданшатар "Засгийн газрын бүрэлдэхүүн болон бүтцийн тухай хуульд өөрчлөлт оруулах тухай хуулийн төслийг хэлэлцэх гэж байна. Цаг үеийн нөхцөл байдал хүнд байна. Өнөөдөртөө багтаж чуулганаар хэлэлцэхээр төлөвлөж байгаа асуудлуудаа дуусгана" гэлээ.
Ерөнхий сайд Л.Оюун-Эрдэнэ "Монгол Улсын эдийн засаг нүүрсний экспорт дээр тогтож байна. Шинэ сэргэлтийн бодлогын 47 төсөл хөтөлбөр байгаа. Боомттой холбоотой асуудал байна. Засгийн газар Гашуунсухайтын төмөр замыг ашиглалтад оруулна. Мөн Шивээхүрэнгийн төмөр замын ажил эхэлнэ.
Тэргүүлэх эдийн засгийн ач холбогдолтой боомтыг авто замаар холбох ажил эхлэх юм" гэлээ.
