УИХ-ын чуулганаар Монгол улсын 32 дахь Ерөнхий сайдыг томилох асуудлыг хэлэлцэж байна.
УИХ-ын гишүүд Ерөнхий сайдад нэр дэвшигч Л.Оюун-Эрдэнээс асуулт асууж, үг хэлж байна.
Энэ үеэр УИХ-ын гишүүн Б.Пүрэвдорж "Манай Херо Б.Баатарын дүү Ерөнхий сайд боллоо. Та амласан ёсоор 400 сая жуулчнаа Монголд авчраарай, амжилт хүсье" гэлээ.
Гишүүдийн нийт гурван минутаар үг хэлж, асуулт асууж байгаа бөгөөд хугацаа хангалтгүй байгааг шүүмжилж байна.
Дашрамд, 2020 оны дөрөвдүгээр сард УИХ-ын гишүүн, ЗГХЭГ-ын дарга Л.Оюун-Эрдэнэ Хэнтий аймагт ажиллах үеэрээ манай улс 400 сая жуулчин хүлээн авах боломжтой талаар мэдээлсэн нь шүүмж дагуулсан. Энэ тоог тэрээр санаанаасаа зохиогоогүй, алдаж хэлээгүй гэдгийг УИХ-ын чуулганы хуралдааны үеэр дахин баталж хэлж байсан бөгөөд ийм боломж бийг онцолж уурсаж байсан юм.
