Улаанбаатар, 2024 оны зургаадугаар сарын 11 /МОНЦАМЭ/. Азербайжаны нийслэл Баку хотноо зохион байгуулагдсан Бюль Бюлийн нэрэмжит ес дэх удаагийн олон улсын дуурийн дуулаачдын уралдаанд Улсын Дуурь бүжгийн эрдмийн театрын гоцлол дуучин Б.Монголхүү тусгай байр эзэлсэн байна.
Уг уралдаанд 18 орны 150 гаруй мэргэжлийн дуурийн дуулаач оролцжээ. Харин Монгол Улсаас УДБЭТ-ын гоцлол дуучин Л.Бүүвэйбаатар, Б.Монголхүү, концертмейстер Ү.Уртнасан нар оролцсон юм.
Энэхүү уралдаан нь анх 1997 онд Азербайжаны ерөнхийлөгч, үндэсний удирдагч Гейдар Алиевын зарлигаар Баку хотноо зохион байгуулагдсан юм. Улмаар Азербайжаны нэрт тёнор, ардын жүжигчин, ЗХУ-ын төрийн шагналт, профессор Бюль Бюлийн нэрэмжит олон улсын дуурийн дуулаачдын уламжлалт уралдаан болж өргөжсөн түүхтэй.
