Сербийн Врньачка Баньа хотод болсон сурагчдын шатрын дэлхийн аварга шалгаруулах тэмцээнд Монголын өсвөрийн шатарчид хоёр алт, нэг мөнгөн медаль хүртэж, оюуны спортын өндөр амжилт үзүүллээ.
Тэмцээнд нийт 44 орны 470 гаруй сурагч шатарчид зургаан насны ангиллаар өрсөлдсөнөөс:
-
Охидын 17 хүртэлх насанд ФИДЕ-гийн дэд мастер, 13 настай Б.Буянхишиг алтан медаль хүртэж, энэ тэмцээний дэлхийн хошой аварга болов. Тэрбээр 2023 онд U11 насанд алт, 2024 онд U13 насанд хүрэл медаль хүртэж байжээ.
-
Охидын 11 насанд ФИДЕ-гийн дэд мастер Ч.Нандинжигүүр мөн алтан медаль хүртэж, хоёр жил дараалан дэлхийн аварга болж байна.
-
Есөн насны ангилалд Ш.Уранзаяа мөнгөн медаль хүртжээ.
Монгол Улсаас гурван дасгалжуулагчийн удирдлага дор нийт 31 шатарчин оролцсон бөгөөд тэд тэмцээнээ өндөр амжилтаар дуусгаж, гурван медалийн эзэн болоод байна.
Эх сурвалж: Монголын шатрын холбоо.
