Дэлхийд алдартай Олон улсын бүжигчдийн тэмцээнийг Монгол Улсад анх удаа зохион байгуулах гэж байна. Тэмцээнд оролцогчид сонгодог урлагаас гадна ардын болон орчин үеийн бүжгийн төрлүүдээр өрсөлдөнө. Одоогоор ОХУ, БНХАУ, БНСУ, Япон зэрэг 10 гаруй орны бүжигчид тэмцээнд оролцохоор бүртгүүлжээ. Мөн ОХУ, АНУ, Казакстан, БНХАУ, Монгол, Филиппины дэлхийд алдартай шилдэг бүжигчид тэмцээнд оролцож байгааг онцоллоо. Зохион байгуулагчдын мэдээлснээр энэ тэмцээн зөвхөн сонгодог бүжгийн төрлүүдээр өрсөлддөг байсныг Монголд зохион байгуулахдаа анх удаа ардын болон орчин үеийн бүжгийн төрлүүдийг оруулахаар болжээ. 

Тэмцээний шилдэг бүжигчинд Даллас хотын бүжгийн консерваторид 100 хувийн тэтгэлэгтэй сургахаар 70 мянган ам долларын шагнал өгөх юм байна. Харин удаах байрт орсон бүжигчдэд Өмнөд Солонгос, Филиппин улсад хөнгөлөлттэй суралцах эрх олгох юм байна.

Тэмцээний Гала тоглолт дөрөвдүгээр сарын 29-ний 19.00 цагт СТӨ-нд болно, тоглолтод дэлхийн хэмжээний бүжгийн одод оролцоно гэдгийг "World ballet and dance prix Mongolia" тэмцээнийг зохион байгуулагчид хэллээ.