Орчин цагийн хөнгөн хөгжмийн суурийг анхлан Монголд нэвтрүүлж, залуусыг байлдан дагуулж асан "Баян Монгол" чуулга нь энэ жил 55 жилийн ойтойгоо золгож байна. Тус чуулга түүхт 55 жилийн ойдоо зориулсан 2024 оны анхны тоглолтоо “Movie Swing” тоглолтоороо эхлүүлж байна.
Movie Swing тоглолт нь дэлхийн болон монгол киноны хөгжмүүдийг өөрсдийн жазз хэмнэл, найруулгад нийцүүлэн тоглодгоороо бусад тоглолтуудаас ялгарах ба цар тахлын үед завсардаад байсан энэ тоглолт 2023 онд дахин сэргэж, хоёр өдрийн турш танхим дүүрэн үзэгчидтэй, сэтгэл догдлуулсан оройг бэлэглэсэн билээ.
"Баян Монгол"-ынхон энэ жилийн Movie Swing тоглолтод бидний зүрх сэтгэлд хоногшсон, кино урлагийн сор болсон дуу, хөгжмүүдийг Улсын Филармонийн гоцлол дуучид, шинэ залуу үеийн дуучид болох Б.Одмандах, Ү.Уртнасан, Б.Номин зэрэг чадварлаг, хүчирхэг хоолойтой залуустай хамтран тайзнаа амилуулах юм байна.
Тоглолт: 2024 оны 01 сарын 13-ны 18:00 цагт Улсын Филармонийн концертын танхимд болно.
Дэлгэрэнгүй мэдээллийг: 88003041,99079291 дугаараас лавлана уу.