Сонгуулийг шинэ хууль, журмаар явуулахтай холбогдуулан саналын хуудасны шинэ загварыг өнөөдөр танилцууллаа. 

Сонгогчдын бэхэн тэмдэглэгээ, 126 гишүүнтэй болж буйтай холбоотойгоор саналын хуудас ямар загвартай болсон зэрэг онцлог өөрчлөлтийн талаар СЕХ-ны Хууль эрх зүйн газрын дарга Д.Бат-Эрдэнэ дараах мэдээллийг өгсөн байна. 

УИХ-ын сонгуулийн тухай хуульд нэмэлт өөрчлөлт орж, хосолсон тогтолцоотой болсон. Бид шинэ загварын саналыг хуудсыг бэлдсэн. Улсын дээд шүүхэд бүртгэлтэй 37 намын нэрийг бичсэн хэсэг бол сонгуулийн пропорционал хэсгийн санал өгөх хэсэг нь. Энэ хэсэгт сонгогч зөвхөн дэмжиж байгаа нэг намын өмнөх зууван дугуйг дүүргэж будна.

Харин саналын хуудасны дээд хэсэгт тухайн тойргийн мандатын тоотой тэнцүү нэр дэвшигчийн нэрийн өмнөх зууван дугуйг будна. Өөрөөр хэлбэл нэгдүгээр тойрог хоёр мандаттай байна гэвэл нэг намын нэрийн дор хоёр нэр дэвшигч бичигдсэн байна.