Ардчилсан Намын удирдлагууд өнгөрсөн долоо хоногт болсон Үндэсний бодлогын хорооны хурлаас гарсан шийдвэрүүд болон цаг үеийн асуудлаар мэдээлэл хийлээ.
Энэ үеэр АН-ын дарга Лу.Гантөмөр "Ардчилсан нам сонгуулийн холимог тогтолцоог авахдаа төрийн бодлого ухаалаг гарах ёстой гэдэг зарчим дээр Үндсэн хуулийн өөрчлөлт, Сонгуулийн хуулийг хүлээж авсан. Ингэхийн тулд мэргэжлийн байх ёстой. Боловсролын салбарт төлөөлж чаддаг хүнийг нь дэвшүүлнэ. Эрүүл мэндийн салбарыг төлөөлж чаддаг хүнийг нь дэвшүүлнэ. Намын гишүүдийн дэмжлэгийг авсан хүмүүсийг нэр дэвшүүлнэ. Хүмүүс хүлээж авч байгаа, дэмжиж байгаа эсэхийг нь хүлээж авч жагсаалтад оруулна. Маш их шинэчлэгдсэн жагсаалт гарна гэдгийг тодорхой хэлэх байна.
Мөн өнөөдрийн байдлаар АН-ын Ерөнхий нарийн бичгийн даргаа томилж амжаагүй байна. Ойрын хугацаанд томилно. Энэ бол цэвэр АН-ын даргын мэдлийн асуудал гэж ойлгох хэрэгтэй" гэлээ.
