Ардчилсан Намаас нийслэл Улаанбаатар хотод үүсээд байгаа үерийн асуудлаар мэдээлэл хийлээ. 

Энэ үеэр АН үерийн гамшигт амиа алдсан таван иргэн, тэдний гэр бүлд эмгэнэл илэрхийлж дараах зүйлсийг онцоллоо. 

Монгол Улсын Үндсэн хуулийн арван зургаадугаар зүйлд, Монгол Улсын иргэн бүр 1/Амьд явах, 2/Эрүүл аюулгүй орчинд амьдрах, орчны бохирдол, байгалийн тэнцэл алдагдахаас хамгаалуулах эрхтэй хэмээн заасан байдаг ч бодит байдал дээр хэрэгжиж чадахгүй байна хэмээв. 

Иймд эрдэнэт хүний амь насыг хамгаалах, Монгол Улсын Үндсэн хуульд заасан дээрх заалтуудыг хэрэгжүүлэх талаар онцгой анхаарч ажиллахыг Монгол Улсын Засгийн газар, Нийслэл Улаанбаатар хотын удирдлагуудад сануулж байгаагаа мэдэгдлээ.

Мөн үерийн гамшигт өртсөн иргэдэд туслахаар хандивын аяныг зарлаж байгаа бөгөөд тус аянд нэгдэхийг уриаллаа.