Хөгжлийн Банкны гэх 80 хүн дөрвөн хуулийн этгээдэд холбогдох эрүүгийн хэргийн гэм буруугийн шүүх хурал  өдөр үргэлжилж, 48 иргэнийг цагаатгаж, 32 иргэн, дөрвөн хуулийн этгээдийг гэм буруутайд тооцсоноор өнөөдрийн шүүх хурал өндөрлөв. Шүүх хуралдаан ирэх даваа гариг буюу долдугаар сарын  3-ны өдрийн 14:00 цаг хүртэл завсарлалаа.

Шүүх хуралдааныг яллагдагчдын өмгөөлөгч нарын хүсэлтээр завсарлуулсан бөгөөд энэ хугацаанд шүүгдэгчид, ААН-үүд Хөгжлийн Банканд учруулсан хохирлоо төлөх боломжтой гэв. Хохирлоо бүрэн төлсөн байх нь шүүхээс оногдуулах ялыг хөнгөлөх нэг нөхцөл болдог.