“Хүннү Эйр” компани 2025 оны дөрөвдүгээр сарын 19-ний өдөр Е195/Е2 загварын шинэ агаарын хөлгийг үйлдвэрлэгчээс нь шууд хүлээн авч, Монгол Улсад авчирлаа. Энэхүү шинэ үеийн дунд оврын агаарын хөлөг нь зорчигчийн тав тух, эдийн засаг, байгаль орчинд үзүүлэх нөлөөгөөрөө олон давуу талтайгаараа онцлог юм.

Шинэ онгоц нь:

• Орчин үеийн байгаль орчинд ээлтэй технологиор бүтээгдсэн,

• Нислэгийн болон орчны дуу чимээний түвшин багатай,

• Ижил төрлийн агаарын хөлгүүдтэй харьцуулахад нүүрсхүчлийн хийн ялгаруулалт, шатахуун зарцуулалт 20 орчим хувиар бага,

• Зорчигчийн тав тухыг дээд зэргээр хангадаг гэж үзэж байна.

“Хүннү Эйр” компани Е195/Е2 загварыг үйл ажиллагаандаа нэвтрүүлснээр:

• Одоо үйлдэж буй нислэгийн чиглэлүүдийн суудлын тоог нэмэгдүүлэх,

• Шинэ чиглэл нээх боломжийг бүрдүүлэх,

• Аюулгүй ажиллагааг бүрэн хангах зэрэг давуу талуудыг бий болгоно.

Шинэчлэлийн энэхүү алхам нь Монголын агаарын тээврийн салбарт техникийн дэвшил, тав тух, байгаль орчны хариуцлагыг хослуулсан чухал хөгжлийг илэрхийлж байна.

Эх сурвалж: Хүннү Эйр