Аж үйлдвэр, эрдэс баялгийн сайд Ц.Туваан Засгийн газрын өнөөдрийн (2025.03.18) хуралдаанаас гарсан шийдвэрийг танилцуулах үеэрээ “Алт-III” хөтөлбөрийг хэрэгжүүлнэ гэж мэдэгдлээ.
Тэрбээр:
"Дэлхийн зах зээл дээр нэг унц алтны үнэ 3000 ам.долларыг давсан энэ үед алтны олборлолтыг нэмэгдүүлэх нь зүйтэй. Иймээс Засгийн газар “Алт-III” хөтөлбөрийг хэрэгжүүлэхээр шийдвэрлэсэн. Үүнтэй холбогдуулан ирэх долоо хоногийн хуралдаанаар тодорхой шийдвэрүүдийг гаргах болно" гэж онцлов.
Хөтөлбөр хэрэгжсэнээр:
- Алтны олборлолтыг нэмэгдүүлэх
- Улсын алтны нөөцийг нэмэгдүүлэх
- Валютын улсын нөөцийг бүрдүүлэхэд дэмжлэг үзүүлэх
Засгийн газар ойрын хугацаанд энэ чиглэлээр бодлогын шийдвэрүүдийг нарийвчлан гаргахаар төлөвлөж байна.
