Монголын үндэсний бөхийн холбооноос орон нутгийн бөхийн салбар холбоодын удирдах ажилтнуудын зөвлөгөөнийг анх удаа зохион байгуулах гэж байна.

Гуравдугаар сарын 21-нд болох энэхүү зөвлөгөөнд 21 аймаг, 330 сумын бөхийн салбар холбоодын удирдлагууд оролцоно.

Зөвлөгөөний үеэр дараах асуудлуудыг хэлэлцэх аж:

• “Үндэсний их баяр наадмын тухай хууль”-д оруулах санал

• Аймаг, сумын баяр наадмын бөхийн барилдааны зохион байгуулалттай холбоотой хүсэлт

• Орон нутгийн үндэсний бөхийн хөгжил, өнөөгийн түвшин, үнэлэлт дүгнэлт

• Жаяг дэгийн багийн гишүүдийн ёс зүй

• Монгол бөхийн хүүхэд, залуучуудад үзүүлэх эерэг нөлөөллийг нэмэгдүүлэх арга зам

• Орон нутгийн бөхийн холбоодод тулгамдаж буй асуудлууд

Энэхүү зөвлөгөөн нь орон нутгийн бөхийн хөгжлийг дэмжих, зохион байгуулалтын асуудлуудыг шийдвэрлэх зорилготой юм.