Ардчилсан Намаас өнөөдөр цаг үеийн асуудлаар мэдээлэл хийлээ. 

Тус намаас 2023 оны улсын төсвийн төсөлд хатуу байр суурьтай байгаагаа илэрхийлж, төслийг эргүүлэн татах шаардлагыг Засгийн газарт хүргүүлсэн билээ. 

Энэ талаар Нийслэлийн АН-ын дэд дарга А.Цэрэнбат "АН-аас тавьсан таван шаардлагыг хэрэгжүүлэхгүй бол УИХ-ын дарга Г.Занданшатар, ЗГХЭГ-ын дарга Д.Амарбаясгалан, Монголбанкны Ерөнхийлөгч Б.Лхагвасүрэн, Сангийн сайд Б.Жавхлан, ХХААХҮ-ийн сайд Х.Болорчулуун, ЦЕГ-ын дарга Ж.Болд нарыг чөлөөл гэсэн. Шаардлагын хариуг ирэх даваа гаригт авах ёстой. Энэ өдөр өгөхгүй бол 11 дүгээр сарын 14-нд бүх нийтийн ажил хаялт зарлана гэдгээ мэдэгдсэн.

МАН-ын Ерөнхий нарийн бичгийн дарга Д.Амарбаясгалан ЗГХЭГ-ын даргын ажлыг давхар хийгээд явж байгаа нь Үндсэн хууль зөрчсөн үйл ажиллагаа гэж үзэж байна" гэлээ.