УИХ-ын дарга Г.Занданшатар 2022 оны Наймдугаар сарын 17-ны өдөр Монгол Улсын Үндсэн хуулийн Хорин долдугаар зүйлийн 3 дахь хэсэг, Монгол Улсын Их Хурлын тухай хуулийн 14 дүгээр зүйлийн 14.1.2, 19 дүгээр зүйлийн 19.1, 19.4, 19.5 дахь хэсгийг тус тус үндэслэн Монгол УИХ-ын ээлжит бус чуулганыг 2022 оны Наймдугаар сарын 22-ноос 26-ны өдрүүдэд товлон зарлах тухай захирамж гаргасан билээ.

Өнөөдөр эхлэх ээлжит бус чуулганаар:

• Үндэсний аюулгүй байдлын зөвлөлийн мэдээлэл,

• Монгол Улсын Үндсэн хуулийн цэцийн 2022 оны 02 дугаар тогтоолтой холбоотой асуудал,

• Цаг үеийн асуудлаарх мэдээлэл сонсох зэргийг хэлэлцэх аж.

УИХ-ын ээлжит бус чуулганы нэгдсэн хуралдааныг 2022 оны Наймдугаар сарын 22-нд буюу өнөөдрийн 10:00 цагт эхлэхээр товлосон юм.