Нийслэлд метро барих асуудал өнгөрөгч оны арваннэгдүгээр сард Засгийн газрын шийдвэрээр баталгаажиж, 2028 оноос нийслэлчүүд Амгалангаас Яармагийн дэнж хүртэл метрогоор зорчихоор болсон билээ. 

Уг ажил ямар шатанд яваа талаар Түгжрэлийг бууруулах үндэсний хорооны дарга, Б.Дэлгэрсайхан сайд дараах мэдээллийг өгсөн байна.

Б.Дэлгэрсайхан: 

-"Засгийн газрын баталгаатай учраас олон улсаас метро барих саналууд ирж байгаа, саналаа ирүүлсэн компани болгоныг нарийн судалж байна. Оросын хувьд метроны хонгил ухах ажлыг хямд өртгөөр хийдэг бол Хятад компаниудын хувьд өндөр үнэтэй тусч байна.  

Метро барих компани метро барихтай холбоотой асуудлыг л хариуцах учир Нийслэлийн зүгээс газар доогуурх шугам хоолойгоо өөрчлөх, шинэчлэх ажлыг хийх ёстой. Ингэхдээ 2013 онд ЖАЙКА олон улсын байгууллагын санхүүжилтээр хийгдсэн урьдчилсан ТЭЗҮ-д тийм ч их өөрчлөлт орохгүй" гэсэн байна..