Өчигдөр буюу 2023 оны арванхоёрдугаар сарын 12-ны орой 16.00 цагт Сонгинохайрхан дүүргийн Эрүүгийн хэргийн анхан шатны шүүхийн хуралдаан болж, сэтгүүлч Н.Өнөрцэцэгт авсан цагдан хорих аслан сэргийлэх арга хэмжээг өөрчлүүлэх тухай түүний өмгөөлөгчдийн хүсэлтийг хэлэлцээд татгалзсан шийдвэр гаргажээ. Энэ тухай түүний өмгөөлөгч П.Энхэмбаяр:
-"Сэтгүүлч Н.Өнөрцэцэгт авсан цагдан хорих таслан сэргийлэх арга хэмжээний үндэслэл арилсан. Эрүүгийн хэрэг мөрдөн шалгах ажиллагаанд саад учруулсан гэдэг үндэслэлээр цагдан хорьсон. Өнгөрсөн долоо хоногоос эхлээд Н.Өнөрцэцэг мэдүүлгүүдээ өгөөд явж байгаа. Шүүхийн зүгээс өөр бусад үндэслэлүүдийг гаргаж тавьсан. Н.Өнөрцэцэгийн хувьд насанд хүрээгүй хүүхдийн асран хамгааллын асуудал сөхөгдөж байгаа. Биеийн байдал, сэтгэл санаа сайнгүй байна. Таслан сэргийлэх арга хэмжээг хэрэгжүүлэх цагдаагийн баривчилгааны үеэр нуруунд хүнд хэлбэрийн таталд өгч байсан, та бүхэн мэдэж байгаа. Энэ үндэслэлээр шүүхэд дахин хандах болно" гэсэн байна.
