УИХ-ын чуулганы нэгдсэн хуралдаанаар Үндсэн хуульд оруулах нэмэлт өөрчлөлтийн төслийн хоёр дахь хэлэлцүүлгийг хийлээ.

Тодруулбал, "УИХ нэг танхимтай байна. УИХ-ын 76 гишүүнийг мажоритар, 76-г пропорционал аргаар сонгоно" гэсэн Төрийн байгуулалтын байнгын хорооны дэмжээгүй саналыг гишүүдийн олонх дэмжээгүй бөгөөд "УИХ нэг танхимтай, 126 гишүүнтэй байна" гэх саналыг 61 гишүүн дэмжлээ.

Улмаар Үндсэн хуульд оруулах нэмэлт өөрчлөлтийн төслийг гурав дахь хэлэлцүүлэгт бэлтгүүлэхээр шилжүүллээ.

Үндсэн хуульд оруулах нэмэлт өөрчлөлтийн төслийн гурав дахь хэлэлцүүлгийн хугацааг 2023 оны тавдугаар сарын 22-30-ны хооронд явуулах тогтоолыг төслийг хэлэлцэж, гишүүдийн олонх дэмжин, баталлаа.

Энэ хугацаанд хуулийн төсөлтэй холбогдуулан иргэдийн саналыг сонсох ажлыг зохион байгуулах юм.