Өнөөдрийн Чуулганы нэгдсэн хуралдаанаар байнгын хорооны даргыг сонгох, чөлөөлөх тухай асуудлыг хэлэлцэж, УИХ-ын гишүүн Б.Энхбаярыг Хууль зүйн байнгын хорооны даргаар томиллоо.
Энэ үеэр Монгол Улсын Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явц, байдлыг шалгах УИХ-ын хянан шалгах түр хорооны даргаар ажиллаж буй УИХ-ын гишүүн Б.Энхбаяр дараах тайлбарыг өглөө.
Тэрээр "Ирэх долоо хоногт нотлох баримтыг шинжлэн судлах зохион байгуулагдана. Энэ үеэр олон асуудал нотлох баримттайгаар ил болж, иргэд уулга алдах нь ойлгомжтой. Гэхдээ бид хулгайг ярих, илчлэх, үүнтэй эвлэрэхгүй байх тал дээр манлайлж ажиллах ёстой. Миний хувьд хяналт шалгалтын ажлыг эрчимжүүлэх чиглэлээр ажиллаж байна. Тийм учраас Хяналт шалгалтын түр хорооны даргын ажлыг дуустал нь хийнэ гэсэн бодолтой байна. Хийвэл бүү ай, айвал бүү хий гэдэг. Байнгын хорооны дарга болсноор түр хорооны даргаас чөлөөлөгдөх ёстой гэсэн учир шалтгааныг олж харахгүй байна. Чөлөөлөгдөх дээрээ тулбал би байнгын хорооны дарга болох албагүй гэж бодож байна" гэлээ.
