08:30 цагт Засгийн газрын ээлжит хуралдаан болно.

09:00 цагт Оксфордын их сургуулийн эрдэмтэд Монгол Улсын кибер аюулгүй байдлын өнөөгийн түвшнийг үнэлсэн судалгааны тайлангаа “Улаанбаатар галерей”-н “Гранд” танхимд танилцуулна.

11:00 цагт УБЕГ шүүхийн шийдвэрийг удаа дараа зөрчиж, өмчлөгчийг хохироосон асуудлаар иргэн Х.Сонинцэцэг “Монгол ньюс” мэдээллийн төвд хэвлэлийн хурал хийнэ. Тэрбээр УБЕГ-аас хоёр тэрбум төгрөгийн хохирлыг нэхэмжлэхээ мэдэгдэж байна.

11:30 цагт Монголын морин тойруулга, ойрын зайн уралдаан уяачдын холбооноос Монголд анх удаа 1700 метрийн ойрын зайн хурдан морины уралдаан зохион байгуулах талаар “Зууны мэдээ” сонины мэдээллийн төвд мэдээлэл хийнэ.

Оманы Султант Улсад Гадаад харилцааны сайд Б.Батцэцэгийн албан ёсны айлчлал хоёрдугаар сарын 18-20-ны өдрүүдэд үргэлжилж байна. Айлчлал Оманы Гадаад хэргийн сайд Бадр Бин Хамад Бин Хамуд Аль-Бусайдигийн урилгаар болж байна.

Зураач Х.Ууганбаярын “Үүлэн дээрх мөр” үзэсгэлэн Монголын урчуудын эвлэлийн үзэсгэлэнгийн танхимд гарч байна.

НӨАТ-ын сугалаа өнөөдөр явагдана.