Эрдэнэт Булганы Цахилгаан Түгээх Сүлжээ (ЦТС) ТӨХК-ийн инженер, техникийн ажилтнууд гэр хорооллын айлуудаар орж цахилгаан хэрэглээний судалгаа хийх ажлыг энэ долоо хоногоос эхлүүлж байна.

Үндсэн зорилго:

• Цахилгааны хэрэглээ өндөр гарч буй айл өрхүүдийн судалгааг гаргах
• Эдгээр айлуудад цахилгааны хэмнэлтийн зөвлөгөө өгөх
• Дулаан алдагдлыг хэмжиж, дулаан хадгалах зөвлөмж өгөх

Цахилгаанаар халаалтаа шийдсэн өрхүүдэд тавигдах шаардлага:

1. Дулаан алдагдалгүй байх – Байшингийн дулаалга сайжруулах шаардлагатай.
2. Цахилгааны хэрэглээний зөв менежменттэй байх – Өдрийн аль цагт цахилгаанаа залгаж, хэзээ таслах талаар зөв дадалтай байх.

Эрдэнэт хотын хэрэглэгчдийн цахилгааны хэрэглээний бүтэц

• 0-150 кВт/цаг хэрэглэгчид – 60%
• 150-300 кВт/цаг хэрэглэгчид – 20%
• 300 кВт/цаг-аас дээш хэрэглэгчид – 20%

Мэргэжлийн байгууллага дээрх судалгааг үндэслэн айл өрхүүдэд биечлэн зөвлөгөө өгч, хэмнэх боломжуудыг танилцуулах аж.

Эх сурвалж: Эрдэнэт Булганы ЦТС ТӨХК