Засгийн газрын ээлжит бус хуралдаан өнөөдөр болж, хуралдаанаас гарсан шийдвэрийг танилцууллаа.
Энэ үеэр Хууль зүйн сайд Х.Нямбаатар "БНХАУ-ын ГХЯ-наас өчигдөр хариу бичиг ирүүлсэн. Уг бичигт манай талаас явуулсан хүсэлтийг илүү тодорхой, нарийвчилж өгөхийг дурдсан байна. Өөрөөр хэлбэл, эрх зүйн талаар харилцан туслалцаа үзүүлэх гэрээний заалтууд болон хэн гэдэг иргэнд холбогдох мэдээлэл авахаа тодорхой болгож ирүүл гэсэн. Ерөнхий прокурорын газарт энэхүү бичгийг хүргүүлээд байна.
Илүү нарийвчилсан Ганцмодны боомтоор орсон, гарсан нүүрс тээврийн бүх мэдээллийг ерөнхий байдлаар ирүүлэх хүсэлт ирсэн. Одоо Ерөнхий прокурорын газар болон мөрдөн шалгах байгууллагаас түүвэрлэсэн жагсаалтаа ирүүлэхээр дахиад явуулна" гэлээ.
Нүүрсний асуудлаар БНХАУ-ын талаас хамтарч, тусалж ажиллана гээд эрх зүйн талаар харилцан туслалцаа үзүүлэх гэрээний 7, 8-д заасны дагуу нэр, хаягтай тодорхой мэдээлэл ирүүлэхийг хүсжээ.
