2018 оны хоёрдугаар сарын 23-ны өдөр Монголын хөрөнгийн бирж I, II, III ангиллын 28 хувьцаат компанийн 40,751 ширхэг хувьцаа арилжигдсанаас 10 хувьцаат компанийн хувьцааны ханш өсч, 11 хувьцаат компанийн хувьцааны ханш буурсан бол 7 хувьцаат компанийн ханш тогтвортой байжээ. Үүнээс 'Монгол Шевро' (MVO+14.86%) болон 'Тавантолгой' (TTL+9.35%) компаниудын  хувьцааны ханш хамгийн өндөр өсөлттэй байсан бол 'Булган Гурил Тэжээл' (GTJ-9.09%) болон 'Хөх Ган' (HGN-8.14%) компаниудын хувьцаа хамгийн их уналттай байлаа.

Засгийн газрын үнэт цаасны хоёрдогч зах зээлийн багцын арилжаагаар 767 ширхэг үнэт цаасыг 76.2 сая төгрөгөөр арилжаалсан байна.

Компанийн хоёрдогч зах зээлийн бондын арилжаагаар 20 ширхэг үнэт цаасыг 2.0 сая төгрөгөөр арилжаалсан байна.

Энэ өдөр 'TOP 20' индекс 20247.41 нэгж болж 1.23 хувиар өссөн бол зах зээлийн үнэлгээ 2,455,629,147,724 төгрөг боллоо. 

Арилжааны дэлгэрэнгүй мэдээллийг Энд дарж үзнэ үү.

Эх сурвалж: МОНГОЛЫН ХӨРӨНГИЙН БИРЖ