Манай боловсролын байгууллагуудад нэрэндээ "International", "Global", "Cambridge", "IB" гэх мэт үгсийг оруулсан сургуулиуд олон байдаг ч бодит байдал дээр магадлан итгэмжлэлийн байгууллагуудын шаардлагыг хангаагүй тохиолдол цөөнгүй. Эцэг эхчүүдийн хувьд ч сургуулийн хөтөлбөр, магадлан итгэмжлэл, багш нарын мэргэжлийн түвшин зэргийг бүрэн шалгаж судлалгүйгээр сонголт хийх тохиолдол элбэг.
Иймд дээрх асуудлыг шийдвэрлэхийн тулд мэдээлэл хариуцагч байгууллага болох Боловсролын яамнаас "ШИЛ АЖИЛЛАГАА"-ны хүрээнд олон улсын хөтөлбөртэй ЕБС-ийн жагсаалтыг www.shilen.gov.mn -д ил тод, нээлттэй байршууллаа.
Мөн Цахим хөгжил, инновац, харилцаа холбооны яам нь Засгийн газраас хэрэгжүүлж буй "Авлигатай тэмцэх 5Ш" ажиллагааны "Шил ажиллагаа"-г хариуцаж байгаа бөгөөд энэ хүрээнд мэдээлэл хариуцагч байгууллагуудыг мэдээллээ нээлттэй, ил тод www.shilen.gov.mn байршуулахыг шаардаж ажиллаж байна.
