Өлгий, 2024 оны зургаадугаар сарын 14 /МОНЦАМЭ/. Баян-Өлгий аймгийн ихэнх нутгаар ирэх өдрүүдэд аадар бороо орно гэж аймгийн Ус, цаг уур, орчны шинжилгээний төвөөс анхаарууллаа.
Тодруулж хэлбэл, энэ сарын 15, 18-ны өдрүүдэд аймгийн ихэнх нутгаар, 16-ны өдөр төв болон баруун өмнөд хэсгээр, 17-нд баруун хэсгээр аадар бороо орно.
Борооны өмнө хүчтэй салхи шуурч, мөндөр орж болзошгүй. Иймд аянга цахилгаан, үерийн усны аюулаас сэрэмжтэй байхыг малчид, тээвэрчид, нийт иргэдэд онцгойлон анхааруулж байна.
