АНУ-ын газар зүйн нэрсийн жагсаалтад албан ёсоор өөрчлөлт оруулж, “Мексикийн булан” хэмээх нэрийг “Америкийн булан” болгон өөрчилсөн талаар “Google Maps” даваа гарагт мэдэгджээ.

Энэхүү өөрчлөлт нь зөвхөн АНУ-ын нутаг дэвсгэрт харагдах бөгөөд Мексикт “Мексикийн булан” хэвээр үлдэх юм. Харин бусад орнуудын хувьд хэрэглэгчдэд хоёр нэр зэрэг харагдах аж.

АНУ-ын Дотоод хэргийн яам өнгөрсөн долоо хоногт Мексикийн булангийн нэрийг өөрчлөхийн зэрэгцээ Аляскийн Денали уулыг хуучин нэрээр нь “МакКинли” хэмээн нэрлэх шийдвэр гаргаснаа зарлажээ.

Энэ шийдвэр нь Ерөнхийлөгч Дональд Трампын сонгуулийн амлалтын нэг хэсэг байсан бөгөөд тэрбээр албан тушаалдаа орсныхоо дараа нэрсийг өөрчлөх тушаал өгчээ.

Эх сурвалж: Reuters