Дональд Петтит анх удаагаа хориод жилийн өмнө тойрог замд гарсан ба одоо сансарт дөрөв дэх удаагаа нисч байна. Есдүгээр сарын 11-нд Байконурын сансарын нислэгийн талбайн 31-р талбайгаагаас Олон улсын сансарын станц руу «Союз МС-26» жолоодлоготой хөлөг гурван хүний багтайгаар хөөрсөн юм.
Сансарын хөлөг хөөрөөд гурван цагийн дараа ОУСС-тай залгагдаж станцад NASA-гийн астронавт Дональд Петтит оросын хоёр сансарын нисгэгчийн хамт орлоо.
Оросын Алексей Овчинин дөрөв дэх удаагаа, Иван Вагнер хоёр дахь удаагаа нисчээ. Харин Дональд Пептит дөрвөн удаа ниссэнээс гадна тэр өндөрт ажилласаар байгаа хамгийн өндөр настай хүн болж байна. Тэр одоо 69 настай.
Дональд Петтит анх 2002 онд олон дахин ашиглах «Индевор» (Endeavour) хөлгөөр сансарт нисэн станцад 161 хоног ажиллаж, хоёр удаа задгай сансарт гарчээ. Тэр дэлхийд «Союз ТМА-1» хөлгөөр буужээ. «Колумбия» (Columbia) шатлл 2003 гурван оны хоёрдугаар сард сүйрсний дараа астронавтууд төлөвлөснөөс бараг хоёр дахин их хугацаанд тэнд саатсан байлаа.
Петтит тойрог замын хоёр дахь нислэгээ 2008 оны арваннэгдүгээр сард мөн л «Индевор» хөлгөөр станцадад шинэ тоног төхөөрөмж хүргэн хийж, 16 хоног тэнд ажиллажээ. Гурав дахь удаа Дональд Петтит 2011 он арванхоёрдугаар сард «Союз ТМА-03М» хөлгөөр станцад очоод 2012 оны долоодугаар сард эргэн иржээ. Өнөөдөр хүртэл Пептит сансарт 370 хоногоо өнгөрөөсөн байв.
«Зарим хүмүүс морь унан явцгааж ковбой байхаар төрсөн. Харин би пуужингаар нисч сансарт байх тавилантай хүн. Ийм ч учраас эргэн ирэхээ тэсч ядан хүлээнэ»
Хэрэв «Союза МС-26» хөлгийн нислэг төлөвлөснөөр явагдвал 1955 оны дөрөвдүгээр сарын 20-нд мэндэлсэн Пептит энэ багийнхаа хамт энэ хөлгөөр дэлхийд 70 нас хүрэхээсээ 19 хоногийн өмнө 2025 оны дөрөвдүгээр сарын 1-нд эргэн ирнэ.
Одоо ОУСС-д энэ багийнхны хамт Роскосмосын сансарын нисэгчид Олег Кононенко, Николай Чуб, Александр Гребёнкин, NASA -гийн астронавтууд Мэттью Доминик, Майкл Барратт, Жанетт Эппс, Трейси Дайсон, Барри Уилмор, Сунита Уильямс нар байгаа нь түүхэнд станцад байгаа хамгийн олон хүн гэж орлоо.
Петтит сансарт байсан хамгийн өндөр настай хөгшин биш. Жишээлбэл, 1962 онд тойрог замын анхны нислэг хийсэн астронавт Жон Гленн 1998 онд 77 насандаа дахин сансарт нисчээ.
Энэ талын дээд амжилтын эзэд нь «Оддын зам» олон ангитын ахмад Киркийн дүрийг бүтээгч жүжигчин Уильям Шетнер, астронавт болж чадаагүй Эдвард Дуайт хоёр. Тэр хоёр 90 насандаа жуулчны New Shepard компании Blue Origin хөлгөөр суборбитын нислэг хийжээ. Нислэгийн үеэр мөрөөдлөө 2024 оны тавдугаар сард биелүүлсэн Дуайт цуг ниссэн Шетнераас 48 хоногоор илүү настай байсан учир хамгийн хөгшин болж байна. Эмэгтэйчүүдийн хувьд жараад онуудад «Меркурий-13» хөтөлбөрийн эмэгтэй нисэгчээр хувийн компаниын бэлтгэлд байсан нисэгч Уолли Фанк болдог. Тэр сансарт зөвхөн жуулчин болон 82 насандаа New Shepard хөлгөөр суборбитын нислэг хийжээ.
Эх сурвалж: Вокруг Света
