Өвөрхангай аймгийн Арвайхээр сумын 8 дугаар ангийн сурагчид "багшаасаа хөгшин харагдаад байгаа тул үрчлээний эсрэг тос авсан" гэх бичлэг олон нийтийн сүлжээнд өнгөрсөн долоо хоногт цацагдсан билээ. 

Тус бичлэгт “Багш нь ямар залуухан юм бэ. Сурагчид нь хөгшин харагдаж байна” гэсэн тул сурагчид хоорондоо ярилцан, ангийн фонтний мөнгөнөөсөө 35 мянган төгрөгөөр үрчлээний эсрэг тос авсан байсан юм.

Тэгвэл тус бичлэгийг хийсэн Арвайхээр сумын нэгдүгээр сургуулийн 8 дугаар ангийн нийт 42 сурагч болон багшид 1.5 сая төгрөгийн өсвөр насныханд зориулсан бүтээгдэхүүнийг “Gunju store, Agit beauty store”-ийн хамт олноос бэлэглэжээ.