Сүхбаатар дүүргийн Эрүүгийн хэргийн анхан шатны шүүхэд шилжүүлсэн “Эрдэнэс силвер ресурс”-ийн захирал асан Т.Мөнхбаярт, үйлдвэрлэл хариуцсан дэд захирал асан Б.Жаргалсайхан нарт холбогдох хэргийг шүүх шийдвэрлэжээ. 

Т.Мөнхбаярт Эрүүгийн хуулийн 22.4-2-т зааснаар нийтийн албанд томилогдох эрхийг таван жилийн хугацаагаар хасаж, 27 сая төгрөгөөр, Б.Жаргалсайханд Эрүүгийн хуулийн 22.4-2-т зааснаар нийтийн албанд томилогдох эрхийг зургаан жил хасаж, 27 сая төгрөгөөр торгох ял оногдуулжээ. 

Түүнчлэн н.Баттулгад Эрүүгийн хуулийн 22.4-2-Т зааснаар таван жилээр эрх хасаж, 10 сая төгрөгөөр, н.Пунцагбалжирт Эрүүгийн хуулийн 22.4-2-т зааснаар таван жилээр эрх хасаж таван сая 400 мянган төгрөгөөр, н.Энхтүвшин, н.Бүрэнбадрах нарыг Эрүүгийн хуулийн 22.5-1-т зааснаар тус бүр хоёр жилээр эрх хасаж, дөрвөн сая төгрөгөөр торгох ял оногдуулав.

н.Жаргалсайхан, н.Баттулга, н.Пунцагбалжир нарын Эрүүгийн хуулийн 18.6-1-т заасан гэмт хэрэг үйлдсэн гэм буруутайд тооцож, хөөн хэлэлцэх хугацаа дууссаны дараа ЭХҮЯТ гэж хэрэгсэхгүй болгож шийдвэрлэснийг Улсын Ерөнхий Прокурорын Газрын албаны эх сурвалж мэдээлжээ. 

Сануулахад, Т.Мөнхбаярыг өнгөрсөн онд “Салхитын Мөнгөний ордод баяжуулах үйлдвэрийн үйл ажиллагаа явуулж баяжмал гаргах ажил"-ын тендер сонгон шалгаруулалтад шалгарсан нэр бүхий компанитай гэрээ байгуулсны хариуд 1 тэрбум 217 сая төгрөг, мөн тендерийн сонгон шалгаруулалт зохион байгуулахгүйгээр нэр бүхий ХХК-тай ажил гүйцэтгэх гэрээ байгуулан албаны чиг үүргээ хэрэгжүүлсний хариуд 1 тэрбум 455 сая төгрөгийн хахууль авсан хэргээр яллагдагчаар татжээ.