Засгийн газрын ээлжит хуралдаан үргэлжилж байна.

Л.Оюун-Эрдэнэ сайдын хэлснээр өнөөдрийн хуралдаанаар махны үнийн өсөлт болон бусад өргөн хэрэглээний барааны үнийн өсөлтийн асуудлаар хуралдаж байгаа аж. Мөн ерөнхий боловсролын 15-р сургуульд гарсан сүрьеэгийн тархалтын асуудлыг авч хэлэлцэж байгаа тухай Засгийн газрын ХМА мэдээллээ.

Мөн өнөөдрийн хуралдаанаар долоон улсад суух Элчин сайд нарыг нэр дэвшүүлж, УИХ-аар хэлэлцүүлэхээр тогтсон байна. Бидний авсан мэдээллээр Австралид суух Элчин сайдад Хууль зүй, дотоод хэргийн сайд Ц.Нямдоржийн хүү Н.Анхбаярыг томилохыг Засгийн газар дэмжжээ.

Н.Анхбаяр нь 2004 онд төрөөс санхүүждэг Боловсролын Зээлийн Сангийн дэмжлэгтэйгээр Шинэ Зеландад сурч байсан. Мөн "Эрдэнэт" үйлдвэрт бараа шахсан асуудалд нэр холбогдож, сайд эцэг нь "Би зөвхөн дэмжээд өгөөрэй гэж утас л цохьсон, барааг нь ав гэж тулгаагүй. Эцэг хүн хүүхдийнхээ төлөө тэр зэргийн зүйл хийхгүй яах вэ" гээд сууж байсан түүх ч бас бий.