УИХ дахь Ардчилсан намын бүлгийн үйл ажиллагааг дуусгавар болгож, зөвлөлийн хэлбэрт шилжиж байгаагаа мэдэгдлээ.
Ардчилсан намын бүлгийн дарга Д.Эрдэнэбат:
-"АН бүлэг байхгүй боллоо гээд АН байхгүй болчихгүй. Сөрөг хүчин хэвээрээ байна. Үйл ажиллагаагаа явуулдгаараа явуулна. Зөвлөлийн хэлбэрт шилжиж байна. Энэ шийдвэрээ УИХ дахь АН-ын долоон гишүүн гарын үсэг зурж УИХ-ын дарга Г.Занданшатарт хүргүүлэхээр боллоо. Сөрөг хүчнийхээ хувьд дуу хоолойгоо хүргэсээр байх болно" гэв.
Сануулахад, өнгөрсөн оны арванхоёрдугаар сарын 03-нд АН-ын Үндэсний дүрмийн хороо хуралдаж, УИХ-ын гишүүн Л.Болдыг улс төрийн сонгуульд өрсөлдөх эрхийг дөрвөн жилээр хасах шийдвэр гаргасан. Энэ шийдвэрийн дараа Л.Болд гишүүн УИХ дахь АН-аас гарах тухай хүсэлтээ хүргүүлсэн билээ.
УИХ дахь АН бүлгийн үйл ажиллагаа дуусгавар болгож албан ёсоор бүлэг тарснаа пүрэв гаригийн чуулганы нэгдсэн хуралдаанаар УИХ-ын даргад хүргүүлнэ.
