Үүрэн холбооны сүлжээ үл харгалзан яаралтай тусламжийн дуудлага хийх боломж бүрдлээ.

Тухайлбал, Жимобайлын сүлжээгүй газар бусад операторуудын сүлжээг ашиглан 112 дугаарт залгах, яаралтай тусламж авах боломжтой. Техникийн энэ нөхцлийг бий болгоход үүрэн телефоны оператор компаниуд нийгмийн хариуцлагын хүрээнд хамтран ажиллаж, ЦХИХХЯ-наас зохион байгуулжээ. 

Ингэснээр ямар ч үед, хаанаас ч түргэн тусламж, гал команд, цагдаагийн дуудлагыг 112 дугаарт өгч, цаг алдалгүй тусламж авахаар болов. Иргэн таны утас сүлжээ барихгүй байсан ч тухайн газарт сүлжээ нь орж байгаа бусад операторуудын сүлжээг ашиглан тусламж дуудах боломжтой.

Та гал түймрийн 101, цагдаагийн 102, яаралтай түргэн тусламжийн 103, гамшиг ослын 105 руу залгах шаардлагагүй. Зөвхөн 112 дугаарт залгаж, асуудлуудаа шийдвэрлүүлэх боломжтой.