Нийслэлд 2023 оны арванхоёрдугаар сарын 18-ны өдрөөс автомашиныг улсын дугаарын төгсгөлийн тэгш, сондгой тоогоор замын хөдөлгөөнд оролцуулж эхэлсэн.
Замын хөдөлгөөний түгжрэлийг бууруулах зорилготой уг зохицуулалтыг 2024 оны нэгдүгээр сарын 31-ний өдрийг дуустал үйлчлэхээр хотын даргын захирамжид тусгасан.
Автомашины улсын дугаарын тэгш, сондгойгоор хязгаарлах зохицуулалтыг сунгах асуудал одоогоор яригдаагүй байна. Тиймээс тээврийн хэрэгслүүд хоёрдугаар сарын 1-ний пүрэв гаригаас хуучин зохицуулалтаараа замын хөдөлгөөнд оролцоно.
Хуучин хуваарь:
- 1 ба 6-аар төгссөн дугаартай бол ДАВАА гаригт
- 2 ба 7-оор төгссөн дугаартай бол МЯГМАР гаригт
- 3 ба 8-аар төгссөн дугаартай бол ЛХАГВА гаригт
- 4 ба 9-өөр төгссөн дугаартай бол ПҮРЭВ гаригт
- 5 ба 0-ээр төгссөн дугаартай бол БААСАН гаригт хөдөлгөөнд оролцохгүй.
Дугаарын хязгаарлалт 08:00-20:00 цагийн хооронд үйлчилнэ.
