Домгийн шувууг үргээж монголын шуугиант улстөрд Ж.Батзандан шүүр унан гарч ирлээ. Түүний эхний бариа Ерөнхийлөгч У.Хүрэлсүх байв. Тэрээр "Х.Баттулгаас болж Монголд шударга ёс тогтохгүй байна гэсэн. Х.Баттулга яваад 2 жил боллоо. Монголд шударга ёс тогтож байна уу. МАНАН-гийн бүх толгойлогч нарыг чиний шүүх хэрэгсэхгүй болгож байна. Чи бид хоёрын нэг нутаг энд хамаагүй, би чамтай тэмцэнэ" гэсэн юм.
Тэгвэл өнгөрсөн шөнө Авлигатай тэмцэх газраас Зам, тээвэр хөгжлийн дэд сайд асан Ж.Бат-Эрдэнийг 48 цагийн хугацаатайгаар саатуулжээ. Ж.Батзандан шударга ёсны төлөө хэмээн дүр эсгэж явахдаа ахыгаа даргын суудалд суулгасан юм.
Гэвч түүний ах авлигын хэрэгт холбогдож, Дархан замын асуудлаар шалгуулж байна. Тодруулбал, Дарханы замын хоёрдугаар багц ажлын явцад бусдад давуу байдал олгосон хэрэгт буруутган шалгаж эхэлжээ. Дарханы зам гацаанд орж, ажил таг гацсаны цаад шалтгаан нь хил гаалийн хорионд бус, эрх мэдэлтнүүдийн авлига хүнд сурталтай холбоотой гэдэг нь ийнхүү илэрхий болоод байна.
Өнөөдөр Ж.Батзандан 13:00 цагт хэвлэлийн хурал хийхээр шийджээ.
