Коронавируст халдварын нөхцөл байдлын талаар мэдээллээ.
ЭМЯ-ны хэвлэлийн ажилтан Б.Ууганбаяр "Сүүлийн 24 цагт 639 хүнээс халдвар илэрлээ. Нийт халдварын тоо улсын хэмжээнд 45,489 болж байна. Шинээр илэрсэн 639 тохиолдлын 9 нь эмнэлгээс шалтгаалах халдвар бол Улаанбаатар хотод 593, орон нутагт 37 бүртгэгдлээ.
Сүүлийн 24 цагт 1287 хүн эдгэрч, нийт эдгэрсэн хүний тоо 32,660 боллоо. Халдварын улмаас 4800 хүн эмнэлэгт хэвтэн эмчлүүлж байгаагаас маш хүнд 110 хүн байна.
Өнгөрсөн хоногт 49-89 насны найман иргэн коронавирусийн нэн хүнд хэлбэрээр нас барлаа. Нас барсан иргэд эмнэлэгт хэвтэн эмчлүүлж байсан юм.
Өндөр эрсдэлтэй иргэд өөрийгөө хамгаалж, урьдчилсан сэргийлж халдвар хамгааллын дэглэмээ сайтар сахих хэрэгтэй байна" гэлээ.
Өнөөдрийн байдлаар улсын хэмжээнд 181 хүн коронавирусийн халдварын улмаас нас бараад байна. Үүнээс 170 хүн коронавируст халдварын хүндрэлээр эндсэн бол 11 нь хавсарсан өвчний хүндрэлийн улмаас нас барсан гэж үзэж байна.
Эрүүл мэндийн яамнаас цар тахлын улмаас нас барсан иргэдийн гэр бүл, төрөл төрөгсдөд гүн эмгэнэл илэрхийллээ.
