Коронавируст халдварын нөхцөл байдлын талаар мэдээллээ.

ЭМЯ-ны хэвлэлийн ажилтан Б.Ууганбаяр "Сүүлийн 24 цагт 1015 хүнээс халдвар илэрлээ. Нийт халдварын тоо улсын хэмжээнд 40,396 болоод байна. Шинээр илэрсэн 1015 тохиолдлын нэг нь эмнэлгээс шалтгаалах халдвар бол 16 нь гадаадаас зөөвөрлөгдсөн байна. Тодруулбал, Дөрөвдүгээр сарын 26-нд Энэтхэгээс ирсэн хүмүүсийн давтан шинжилгээгээр халдвар илэрсэн байна. Эдгээр иргэд Дорноговь аймагт тусгаарлагдаж байна. 

Улаанбаатар хотод 856, орон нутагт 103 бүртгэгдлээ. 

Сүүлийн 24 цагт 1401 хүн эдгэрсэн. Ингэснээр нийт эдгэрсэн хүний тоо 24,333 боллоо. Халдварын улмаас 4869 хүн эмнэлэгт хэвтэн эмчлүүлж байгаагаас маш хүнд 121 хүн байна.

Хөнгөн хэлбэрээр өвчлөн гэртээ тусгаарлагдаж байгаа 8214 хүнд Өрхийн эрүүл мэндийн төвөөс хяналт тавьж байна. 

Өнгөрсөн хоногт 57-83 насны долоон хүн нас барлаа. Нас барсан иргэд эмнэлэгт хэвтэн эмчлүүлж байсан бөгөөд халдвар авсны дараа өөр өвчний улмаас нас барсан нэг тохиолдол бүртгэгдсэн" гэлээ. 

Өнөөдрийн байдлаар улсын хэмжээнд 136 хүн коронавирусийн халдвар аваад нас бараад байна. Үүнээс 126 хүн коронавируст халдварын хүндрэлээр эндсэн бол 10 нь хавсарсан өвчний хүндрэлийн улмаас нас барсан гэж үзэж байна.

Цар тахлын улмаас барсан иргэдийн ар гэр, төрөл төрөгсдөд гүн эмгэнэл илэрхийлье.