Коронавируст халдварын нөхцөл байдлын талаар мэдээллээ.
ЭМЯ-ны хэвлэлийн ажилтан Б.Ууганбаяр "Сүүлийн 24 цагт 1185 тохиолдол шинээр бүртгэгдлээ. Ингэснээр дотоодын халдвар нийт 37,839 боллоо. Илэрсэн тохиолдлуудын 2 нь эрүүл мэндийн ажилтан халдвар авсан нь тогтоогдож, халдварт өртсөн эрүүл мэндийн ажилтны нийт тоо 96 болоод байна. Зөөвөрлөгдсөн 1 тохиолдол бүртгэгдсэн. Тухайн хүн нь Дөрөвдүгээр сарын 23-нд Казахстан улсаас Улаанбаатарт ирсэн монгол иргэн байна. Гадаадаас зөөвөрлөгдсөн 487 боллоо. Улаанбаатарт 1059, орон нутагт нийт 123 тохиолдол шинээр бүртгэгдлээ.
Мөн сүүлийн 24 цагт 1026 хүн эдгэрч эмнэлэг болон гэрийн тусгаарлалт ажиглалтаас гарсан.
Өнгөрсөн хоногт коронавируст халдварын нэн хүнд хэлбэрээр хоёр хүн нас баржээ.
Тодруулбал, Дөрөвдүгээр сарын 19-нд онош нь батлагдсан 84 настай эрэгтэй, Дөрөвдүгээр сарын 16-нд онош нь батлагдсан 47 настай эмэгтэй нар коронавируст халдварын улмаас эмнэлэгт хэвтэн эмчлүүлж байгаад нас барсан" гэлээ.
Өнөөдрийн байдлаар улсын хэмжээнд 126 хүн коронавирусийн халдвар аваад нас бараад байна. Үүнээс 117 хүн коронавируст халдварын хүндрэлээр эндсэн бол 9 нь хавсарсан өвчний хүндрэлийн улмаас нас барсан гэж үзэж байна.
Цар тахлын улмаас барсан иргэдийн ар гэр, төрөл төрөгсдөд гүн эмгэнэл илэрхийлье.
