Эрүүл мэндийн яамнаас коронавируст халдварын нөхцөл байдлын талаар мэдээллээ
ХӨСҮТ-ийн Тандалт, судалгааны албаны дарга А.Амбасэлмаа "Арванхоёрдугаар сарын 18-ны өдөр нийт 11,191 хүнд PCR шинжилгээ хийхэд 12 хүний шинжилгээнд коронавирус илэрсэн.
Илэрсэн халдварын 6 нь Улаанбаатарт бүртгэгдсэн буюу БЗД-ийн голомтоос байгаа бол 6 нь 12 дугаар сарын 16-нд Франкфуртийн онгоцоор ирсэн зорчигчдын давтан шинжилгээгээр илэрлээ.
Хавьтлуудын давтан шинжилгээнээс халдвар илрээгүй.
Ийнхүү дотоодын халдвар 494, нийт батлагдсан тохиолдол 953 боллоо.
Баянзүрх дүүргийн эмнэлгээс кластерлан гарсан коронавирусийн халдварын тохиолдол өнгөрсөн 24 цагт 6-аар нэмэгдсэнээр нийт 26 боллоо.
Тус голомтын ойрын болон хоёрдогч хавьтлын 803 хүнийг илрүүлж, хяналтад авсан. Нийт хавьтлаас 703 хүн шинжилгээнд бүрэн хамрагдсан. Тусгаарлалтын байранд 133 хүн, дүүргийн нэгдсэн эмнэлэгт 379 (эмч, ажилчид, өвчтөн, сахиурууд), гэрийн ажиглалт, тандалтад 291 хүн байна.
Тандалт, судалгаа, шинжилгээ үргэлжилж байна" гэлээ.
