АНУ хөгжиж буй орнуудад нүүрснээс татгалзахад нь туслах зорилгоор байгуулагдсан 9.3 тэрбум ам.долларын үнийн дүн бүхий уур амьсгалын санхүүжилтийн гэрээнээс гарахаар болжээ.
2021 онд Шотландын Глазго хотноо болсон НҮБ-ын уур амьсгалын хурлын үеэр хандивлагч 10 улс “Эрчим хүчний шилжилтийн түншлэл” (JETP) гэрээг байгуулсан. Энэ хүрээнд Өмнөд Африк, Индонез, Вьетнам, Сенегал улсууд нүүрснээс татгалзах зорилготойгоор санхүүжилт авах учиртай байсан. Гэвч АНУ уг гэрээнээс гарахаар шийдвэрлэжээ.
АНУ анх энэ хөтөлбөрт нэг тэрбум ам.долларын санхүүжилт оруулахаар төлөвлөж байсан бол Франц, Герман улсууд 1.5 тэрбум еврогийн хөнгөлөлттэй зээл олгохоор тохиролцсон байв. Өмнөд Африкийн Эрчим хүчний шилжилтийн төслийн ахлагч Жоан Йавич АНУ уг гэрээнээс гарахаа албан ёсоор мэдэгдсэн болохыг баталжээ. Үүнтэй адил Вьетнамын талаас мэдээлэл бүхий хоёр албан тушаалтан Вашингтон гэрээнээс гарч байгаагаа мэдэгдсэн гэж мэдээлжээ.
Эх сурвалж: Business Insider
