Филиппиний Конгрессын доод танхим лхагва гарагт дэд Ерөнхийлөгч Сара Дутертед импичмент зарлахыг дэмжжээ. Төлөөлөгчдийн танхимын Ерөнхий нарийн бичгийн дарга Режиналд Веласкогийн мэдээлснээр, 306 хууль тогтоогчийн 215 нь уг шийдвэрийг дэмжсэн байна.

Импичментийн үндэслэл
С.Дутертег:

• Улсын төсвөөс олон сая ам.долларыг зүй бусаар ашигласан
• Ерөнхийлөгч Фердинанд Маркосыг хөнөөхөөр завдсан гэсэн хэргүүдэд буруутгаж байгаа аж.

Импичментийн дараагийн шат
Одоо уг асуудлыг Филиппиний Сенат хэлэлцэх ба дутертег огцруулахын тулд 24 сенатчийн гуравны хоёрын дэмжлэг шаардлагатай. Гэвч хурлын тов хараахан гараагүй байна.

С.Дутертегийн байр суурь
Тэрбээр өөрийгөө гэм буруугүй хэмээн мэдэгдэж, уг үйл явцыг улс төрийн өшөө авалт гэж тодорхойлжээ.

Ф.Маркосын байр суурь
Хэдийгээр Ерөнхийлөгч Ф.Маркос импичментийг дэмжихгүй гэдгээ илэрхийлсэн ч энэ үйл явцад шууд нөлөөлөх эрх мэдэлгүй гэдгээ мэдэгдсэн байна.