Байгууллагад ижил цалинтай, ижил үүрэг гүйцэтгэдэг хоёр хүн яаж эцсийн дүндээ асар өөр үр дүнг авчирдаг вэ?

***

Энд олон хүмүүсийн мэддэггүй нийтлэг асуудал байдаг. Билгүүн бол гайхалтай ажилтан. Тэр чухам л өдөр шөнөгүй ажлаа хийдэг. Тулгаа ч мөн адил гайхалтай, бас ажилдаа нямбай. Тэдний нэг ялгааг эс тооцвол тэл бараг л ихрүүд юм. Эдний нэг ялгаа нь Тулгааг байгууллагад үнэхээр үнэ цэнэтэй болгож, Билгүүний үнэ цэнээс хумсална. 

Энэ ялгаа нь үрэлт юм.

Билгүүний хийх ёстой зүйлийг хийлгэхийн тулд дарга нь өдөр бүр орж ирээд толгойг нь цохино. Билгүүн юу хийх ёстойгоо хянаж чаддаггүй бөгөөд зөвхөн зааварчилгааны үед л хийдэг.

Харин Тулгаа юу хийх ёстойгоо өөрөө мэдэх бөгөөд, үүнийгээ хийж байгааг харуулна. Тэр даргаараа үглүүлэхээсээ өмнө ажлаа гүйцэтгээд, үр дүнгээ харуулдаг гэсэн үг. .

Билгүүн, Тулгаа хоёр ижил даргатай. Билгүүнийг ямар нэгэн зүйл хийлгэхэд шаардагдах хүчин чармайлт нь Тулгааг ямар нэг зүйл хийхэд шаардагдах хүчин чармайлтаас 10 дахин их юм.

***

За ажилтан талаас нь хараад үзье. 

Билгүүний зүгээс авч үзвэл тэр амбицгүй эсвэл өндөр урам зориггүй байсан ч аливаад чадварлаг, ажилдаа чадвартай.

Тулгаагийн үзэж байгаагаар тэр адилхан чадвартай, чадварлаг бөгөөд ижил хэмжээний ажлыг арай бага төвөггүй хийж байхад яагаад дарга нь Билгүүнтэй адилхан ханддагийг гайхдаг.

Даргын үүднээс авч үзвэл тэд хоёулаа үнэ цэнэтэй ажилчид боловч тэд адилхан үнэ цэнэтэй биш юм. Тулгаа бол Билгүүнээс хамаагүй илүү үнэ цэнэтэй юм. Тэдний нэгийг нь явуулах шаардлагатай бол Билгүүн байх байсан.

***

Асуудлыг бага зэрэг эргүүлье.

Та үнэ цэнийг нэмэгдүүлэхийн тулд өөр юу хийж чадах вэ гэж асуухын оронд юуг устгаж болохыг асууж болно.

Байгууллагад өөрийн үнэ цэнийг нэмэгдүүлэх хамгийн хялбар аргуудын нэг бол таныг ажлаа хийхэд шаардагдах үрэлтийг багасгах явдал юм. Үүний тулд та шинэ ур чадвар эзэмших шаардлагагүй. Та зүгээр л өөрийнхөө харах өнцгийг даргынхаа суудлаас болгоод үзээрэй, ингэвэл чи чамайг ажиллуулж, гараас чинь юм гаргахын тулд дарга чинь ямар хүч гаргадгийг харна гэсэн үг. Ингэсний дараа яг л оршин тогтнохын тулд алдаагаа арилгадаг байгальтай адилаар та зөвхөн амьд үлдэх төдийгүй цэцэглэн хөгжихийн тулд аливаа зүйлийг устгаж чадна. 

Ингэж бодоод үзээрэй.

Дарга чинь чам шиг өдөрт 100 нэгж энергитэй бөгөөд ямар нэгэн зүйлд хүрэх боломжтой. Хэрэв та аль хэдийнээ хийх ёстойгоо мэдэж байсан зүйлээ хийлгэхийн тулд даргаасаа 10 нэгж зарцуулдаг бол та хийх ёстой зүйлээ чанартай хийдгийг үл харгалзан өөрийгөө муухай харагдуулж байна. Мөн та даргынхаа ажлын бүтээмжийг ямар нэгэн байдлаар бууруулж байна.

Байгууллагад үнэ цэнээ дээшлүүлэх талаар бодохдоо бид хөгжүүлэх шаардлагатай ур чадвар, авах ёстой ажлын байр, өсөн нэмэгдэж буй хариуцлагын талаар ихэвчлэн боддог. Ингэхдээ бид үрэлтийг багасгах хамгийн ойлгомжтой аргыг орхичихдог. Үрэлтийг багасгана гэдэг нь ижилхэн 100 нэгж эрчим хүч таныг урагшлуулна, энэ нь таны даргыг урагшлуулна, энэ нь байгууллагыг урагшлуулна гэсэн үг юм.

А.Долгор