“Уучлаарай”-г зарим нь хэтэрхий бага, эсвэл хэтэрхий орой, бас багагүй хэсэг нь өрөвдүүлэх тактикаар гуйдаг. Зарим уучлалт гуйлт нь шуугиан дэгдээсэн зөрчлийн төлөө, зарим нь шүүлтийн гайхалтай алдаа эсвэл түүнээс ч дор байдаг.
Нэр хүндтэй алдаа хийчээд уулчлалт гуйхгүй байх нь байж болох бүхний ач холбогдлыг улам томруулдаг бас дордуулдаг. Мөн тэдний наминчлалын үгс тэдэнд тэр бүр туслахгүй.
Их Британийн экс Ерөнхий сайд Борис Жонсон 2021 оны нэгдүгээр сарын дундуур дэлхий даяар хөл хориотой байсан тавдугаар сард Даунинг Стритийн үдэшлэгт оролцсоноо удаан мэлзэж, тойрч бултаж, дуугүй гүлдийснийхээ дараа явж явж эцэст нь уучлалт гуйсан юм. Энэхүү уучлаарай гэж хэлэлт нь зүй ёсныхоо дагуу албан ёсоор дэлхийн бусад уучлалт гуйсан удирдагчдын урт жагсаалтанд нэгдсэн. Энэ уучлалт яваандаа даамжирсаар ноён Жонсоныг огцрох дарамт шахалт, шалтгаан болсныг бид мэднэ.
Ноён Жонсоны тийн гэмшсэн нь мэдээжийн хэрэг түүхэн дэх хамгийн туйлширсан гэм буруугийн нэг болох Ариун Ромын эзэн хаан IV Генри 1077 онд түүнийг хөөн зайлуулсан Пап лам VII Григорийгээс уучлал гуйхаар Альпийн нурууг гатлах аялалтай ойртсонгүй.
(Гурван жилийн дараа Ромын папыг Генри огцруулж байж)
Энэ скандалын шилийг даран алдан араас нь бас нэг скандал гарсан нь Финландын ерөнхий сайд Санна Марин гэртээ үдэшлэг зохиож, бүжиглэж байгаа бичлэг олон нийтэд тархсан явдал байв. Ойлгомжтой, хориннэгдүгээр зууны эмэгтэй залуу удирдагчийн хувьд энэ бичлэг олны дунд янз бүрийн яриа, хэлэлцүүлэг өрнүүлсэн. Ямартай ч Санна Марин тус үдэшлэгийн дараахан мансууруулах бодисын шинжилгээ өгч мөн олон нийтээс уучлалт хүссэн.
Ингэхдээ наминчлалын агуулга дотор “би ч гэсэн хүн шүү, залуу хүнийхээ хувьд бас хувь хүнийхээ хувьд цаашид ч олон үдэшлэгт оролцоно. Гэхдээ засгийн газрынхаа гишүүний төрх байдал, нэр нүүрээр олон нийтэд нөлөө үзүүлнэ гэдгийг үргэлж санаж явна” гэх агуулгатай үг хэлсэн. Дашрамд дурьдахад 80-аад оны төлөөлөл тэрээр үхэр жилтэй хилэнцийн орд.
Тэгвэл манай 80-аад оны төлөөлөл тахиа жилтэй, мэлхийн ордны ах хуваарьт нислэгийг өөрийн тухандаа тааруулж, хамт зорчигчиддоо мэдэгдэлгүйгээр “том толгойлсныхоо” төлөө хэрхэн хариу үйлдэл үзүүлэхийг хүлээх үлдээд байна. Жараад оны төлөөлөл Борис Жонсон ах Санна Марин хоёрт байгаа адил тал нь аль аль нь үдэшлэгээс үүдэлтэй асуудалд орооцолдов. Харин Санна Марин, Оюун-Эрдэнэ хоёрын төсөөтэй тал нь шинэ үеийн улс төрийн залуу залгамж халаа, нэр нүүр гэдгээрээ адилхан. Одоо Л.Оюун-Эрдэнээс хүлээж байгаа хүлээлт болвоос улс төрийн луухгар ах шигээ гүлдийж, бултаж, мэдээгүй хийгээгүй юм шиг царай гаргаж байхаараа Финландын эмэгтэй ерөнхий сайд шиг энэ нь алдаа, гэхдээ ингэх нь тухайн үед зөв байсан ч гэдэг юмуу муу нуулгүй сайн илчлээд хийсэн үйлдэлдээ олигтойхон хариу хэлээд өгөөсэй гэж хүсэж байна.
О.Бадмаа
