“Miss World 2018” гоо сайхны тэмцээнд Монгол Улсаа төлөөлөн оролцох гоо бүсгүйг зарлалаа. Энэ оны Дэлхийн миссийн шалгаруулалтад өрсөлдөх бүсгүйгээр "Монголын хатан эрдэнэ" холбооноос зохион байгуулсан "Монголын сайхан бүсгүй-2018" уралдааны ялагч, алтан эрдэнийн өргөмжлөлт Э.Энхриймаа тодорлоо.
Э.Энхриймаа 20 настай. Санхүү, эдийн засгийн дээд сургуульд олон улсын нягтлан бодогч мэргэжлээр суралцдаг, англи, орос хэлтэй.
“Miss World 2018” тэмцээний финалын шатны шалгаруулалт 2018 оны арванхоёрдугаар сарын 8-ны өдөр БНХАУ-ын Саньяа хотноо болно.. Монгол Улсын хувьд 2005 оноос эхлэн тус тэмцээнд оролцож эхэлсэн бөгөөд өнгөрсөн онд Ц.Энхжин өрсөлдсөн.
